الشروط والأحكام

١ — الحجز أونلاين

• الحجز بيتم بحساب مسجّل على الموقع، والمعاد بيتأكد فقط بعد إتمام الدفع بنجاح.
• أثناء إتمام الدفع، المعاد بيتحجز ليك مؤقتًا لمدة محدودة — لو الدفع ماكملش، المعاد بيتحرر تلقائيًا لغيرك.
• عدد اللاعيبة في الحجز الواحد من ٢ لـ ٨ أفراد، والحجز من جيم لحد ٣ جيمات.

٢ — الأسعار والدفع

• الأسعار معروضة للفرد لكل جيم، وشاملة ضريبة القيمة المضافة، مع توضيح تفصيلها في صفحة الدفع.
• الحجز الأونلاين عليه رسوم خدمة دفع إلكتروني موضّحة قبل إتمام العملية.
• الدفع بيتم عبر بوابة Paymob المرخّصة — بيانات الكروت لا تمر على سيرفراتنا ولا نخزّنها إطلاقًا.
• سياسة الاسترداد موضّحة في صفحة الإلغاء والاسترداد — الحجز المدفوع نهائي.

٣ — يوم اللعب

• اعرض كود الحجز (QR أو الباركود) على الكاونتر عند الوصول.
• احضر قبل معادك بـ ١٠ دقايق — التأخير بيخصم من وقت اللعب.
• التأخير أكتر من ٣٠ دقيقة عن المعاد المتفق عليه بيلغي الحجز تلقائيًا والمكان بيتفتح لغيرك — وبعدها بتدخل قائمة الانتظار من الأول وجديد حسب أول وقت متاح في الفرع.
• جزم البولينج متوفرة ببلاش 😌، والالتزام بتعليمات السلامة وطاقم الفرع واجب.
• إدارة الفرع ليها الحق في تنظيم التشغيل وإيقاف أي سلوك يعطّل تجربة باقي العملاء.

٤ — الحساب والبيانات

• إنت مسؤول عن سرية بيانات دخول حسابك وصحة بيانات التواصل.
• استخدام بياناتك موضّح في سياسة الخصوصية.

٥ — عام

استخدامك للموقع وإتمام أي حجز يعني موافقتك على الشروط دي. إن لين ليها الحق في تحديث الشروط، والنسخة المنشورة هنا هي السارية. لأي استفسار: bookings@inlanebowling.com